COMEZA XUÑO, COMO SERÁ?

Comezamos o mes no que lle damos a benvida ao Verán. Un mes no que temos os días mais longos e as noites mais curtas do ano. Vimos dun Maio marcado pola inestabilidade atmosférica en Galicia, os chuvascos e as treboadas foron protagonistas ao longo das semanas pasadas. Tal foi a intensidade dos trebóns, que na rede de detección de descargas eléctricas de MeteoGalicia (a cal está operativa dende finais de 2009), se batiu o récord de raios nun día, o Venres 26 caeron en territorio Galego nada mais e nada menos que 9562 raios!.