UNHA MASA DE AIRE MOI CÁLIDO ELEVARÁ OS TERMÓMETROS POR RIBA DOS 35ºC.

Estamos a mediados de Xuño e as altas presións comezan a afianzarse, pouco a pouco, sobre a Península Ibérica. As "coladas" de aire frío xa non son tan marcadas coma en Maio e as masas de aire cálido fanse co control. Tras ter un Martes marcado polo bochorno e polas treboadas na comunidade, rexistrando mais de 2000 raios, a partir de hoxe comezará un ascenso imparable das temperaturas, que continuará ata o Luns.

MAIO FOI HÚMIDO E EXTREMADAMENTE CÁLIDO EN GALICIA.

 Anomalías de temperatura media e de precipitación acumulada en Maio. Fonte dos datos: MeteoGalicia

Vimos de rematar un mes de Maio que, se por algo estivo caracterizado, é pola gran variabilidade atmosférica que presentou. Os días moi cálidos con valores máximos de pleno Verán, intercalábanse con outros episodios de temperaturas mais frescas con precipitacións, unha situación tipicamente Primaveral.

COMEZA XUÑO, COMO SERÁ?

Comezamos o mes no que lle damos a benvida ao Verán. Un mes no que temos os días mais longos e as noites mais curtas do ano. Vimos dun Maio marcado pola inestabilidade atmosférica en Galicia, os chuvascos e as treboadas foron protagonistas ao longo das semanas pasadas. Tal foi a intensidade dos trebóns, que na rede de detección de descargas eléctricas de MeteoGalicia (a cal está operativa dende finais de 2009), se batiu o récord de raios nun día, o Venres 26 caeron en territorio Galego nada mais e nada menos que 9562 raios!. 

A CALOR SERÁ A PROTAGONISTA NOS VINDEIROS DÍAS. POSIBLES CAMBIOS PARA FINAIS DE MES.

Temperatura a 850 hpa prevista polo modelo ECMWF para o Mércores 23 de Maio.

Estamos a ter un mes de Maio moi cambiante. Os períodos de calor e tempo seco e solleiro intercálanse con outros de tempo mais húmedo, mais fresco e con chuvascos treboentos. En resumo, algo típico da Primavera. Ainda así, pouco a pouco aire frío comeza a estar mais relegado a latitudes altas, mentras que as masas de aire cálido van gañándolle terreo dende o sur. As entradas de calor comezan a ser mais frecuentes e as altas presións xa son as protagonistas. A corrente en chorro (unha especie de "autopista" de ventos moi fortes entre 7 e 12 km sobre o nivel do mar) xa non ten tantas meandrizacións, co que as borrascas profundas xa non nos afectan.

XORNADAS INESTABLES POR DIANTE. CHUVASCOS E TREBOADAS.

Tras un mes de Abril moi seco e moi cálido, no que abundou a presenza das altas presións, as altas temperaturas e a escasez de chuvia, Maio comezou con mais movemento meteorolóxico, e semella que quere seguir sendo animado. Sen ir mais lonxe, o pasado Venres unha pequena borrasca afectou a Galicia deixando moita inestabilidade. Diversas liñas de precipitacións fortes foron entrando polo oeste da comunidade, descargando chuvias fortes, saraiba e treboadas, contabilizáronse mais de 660 raios na comunidade. Ademais, fronte a Oia tamén se avistou unha manga mariña, fenómeno que, aínda que pareza extraño velo fronte ás nosas costas, ven sendo bastante habitual.

EPISODIO DE FRÍO E NEVE PARA COMEZAR A PRIMAVERA

Vimos de rematar un Inverno que foi moi pobre en canto a frío e neve, tan só un episodio en Novembro e as xeadas de Xaneiro foi o que tiveron estes pasados meses en canto a frío. Ademais, a derradeira parte do Inverno estivo marcada polas temperaturas altas paraa época do ano, con máximas que mesmo chegaron a superar os 30ºC no val do Río Miño. Sen dúbida, temperaturas de Maio/Xuño en pleno Marzo, cousa que non é normal.

BRUSCO DESCENSO DAS TEMPERATURAS NA FIN DE SEMANA

Imaxe de satélite visible das 10:00 h da mañá do Venres 10 de Marzo.

Como xa viñemos comentando no blog, estamos a ter uns días de Primavera con temperaturas que están a ser moi altas para a época do ano, acadando valores de Verán nalgunha zonas, como por exemplo, onte en Remuiño (Ourense), onde se rexistraron uns espectaculares ¡30,3ºC!, e estamos a 10 de Marzo. Sen dúbida valores moi altos para estar na primeira quincena de Marzo.

A imaxe de satélite que encabeza este artículo, podería ser perfectamente unha imaxe de pleno Verán. Fixádevos como a Península Ibérica está totalmente limpa de nubes, debido á dorsal anticiclónica que temos enriba, e que ven acompañada dunha masa de aire moi cálido que nos está a deixar moita calor. Pero estas temperaturas altas teñen as horas contadas, xa que unha masa de aire frío procedente do atlántico encargarase de provocar un importante descenso das temperaturas durante a fin de semana.

Mirade esta comparativa, móstranse as temperaturas a 850 hpa (1500 metros). Na imaxe da esquerda vemos como este Venres estamos a ter unha masa de aire cálido moi significativa, afectando a todo o suroeste do continente Europeo, con valores de ata +15ºC, mais propio de Maio/Xuño que de comezos de Marzo.

BRUSCO CAMBIO E TEMPO MAÑÁ VENRES: CHUVIA INTENSA E NEVE

Imaxe de masas de aire na mañá de hoxe Xoves.

Días atrás estabamos falando de que a situación estaba a ser plenamente Primaveral, con tempo seco, soleado, e cálido, con temperaturas máximas que mesmo chegaron a marcar case 25ºC na cidade de Pontevedra, por exemplo. Pero agora a situación será ben distinta, estamos a piques de ser afectados por unha gran vaguada que chegará dende o Atlántico, con varias liñas de inestabilidade asociadas, que complicarán bastante o tempo a partir da madrugada de mañá.

FIN DE SEMANA CON TEMPO MOI VARIABLE

Xusto fai unha semana, o tempo era mi distinto ao que estamos tendo hoxe Venres, aínda que teñamos inestabilidade. Fai 7 días estabamos baixo a influencia de duros temporais que deixaron refachos de vento moi intensos, tanto en mar coma en terra, acadando rexistros moi altos en zonas onde non é habitual, por exemplo, destacamos os 100 km/h medidos na estación que MeteoGalicia ten na cidade de Pontevedra, en Campolongo.

SUCESIVAS BORRASCAS AFECTARÁN A GALICIA A PARTIR DO XOVES

 Imaxe de satélite infravermella desta mañá de Mércores 1 de Febreiro.

Tras un longo período con escasas precipitacións, no que predominou o tempo seco, con moi poucas nubes, e con xeadas que neste Xaneiro que vimos de rematar foron noticia en moitos puntos do interior Galego, chegando a marcar case -15ºC en Calvos de Randín (Ourense), semella que o anticiclón que nos veu garantizando tempo seco durante todo este tempo, perde forza e se retira cara o sur, permitindo que as borrascas e as súas frontes asociadas teñan vía libre para afectarnos de cheo, tanto a Galicia como a gran parte da Península Ibérica.

DÚAS FRONTES ATRAVESARÁN GALICIA ESTA SEMANA

Imaxe de satélite infravermella das 8:45h de hoxe Martes

Estamos tendo xornadas de Primavera na comunidade, mesmo tamén en moitos puntos da Península, xa que temos tempo seco e temperaturas moi elevadas para a época do ano, con valores que chegaron a superar os 22ºC en varios puntos de Galicia, como por exemplo en Vigo, Pontevedra, Tui.. etc. E con mínimas que non están sendo especialmente baixas, xa que tampouco temos moitas xeadas en zonas do interior de Lugo e Ourense.

FIN DE SEMANA CON MÁIS NUBES PERO CON MOI POUCA CHUVIA

Imaxe de satélite infravermella con isobaras. 15:00h do Venres 9 de Decembro

 Continuamos baixo a influencia das altas presións cun anticiclón centrado no Mediterráneo. Con esta configuración quedamos con réxime de vento do Sur/Surleste que eleva as temperaturas ata valores cálidos para a época do ano na que nos encontramos, con máximas por riba dos 20/22ºC en bastantes puntos de Galicia rexistradas en días atrás. Ademais, ese anticiclón bloquea as borrascas e provoca que se desvíen cara latitudes altas e, polo tanto, non nos chegan a afectar directamente e tan só temos paso de nubes altas, cal única función só é a de decorar o ceo.

DÚAS BORRASCAS AFECTARÁN A GALICIA ESTA FIN DE SEMANA

Imaxe de meteosat infravermella+presión en superficie. Mostrando a borrasca de mañá Sábado ao sur de Groelandia e que se irá achegando a Galicia .

Tal e como viñamos seguindo estos días na nosa conta de Twitter e en Facebook, confírmanse esos cambios para esta fin de semana. E é que dúas borrascas afectarán a Galicia, asociadas a unha vaguada, e que deixarán días típicos da época na que estamos, con xornadas de vento, chuvias, frío.. un pouco de todo, o que vai tocando en Novembro.

OUTUBRO REMATOU MOI SECO E CÁLIDO EN GALICIA

Outubro, normalmente, acostuma ser un mes nos que xa nos visitan os primeiros temporais de chuvia e vento serios do Outono, xunto con Setembro, pero este ano, agás varias frontes que deixaron bastante auga en pouco tempo, foi un mes, en xeral moi seco e cálido en Galicia.

UNHA MASA DE AIRE FRÍO POLAR CHEGARÁ A ESPAÑA ESTA FIN DE SEMANA

Tras un final de Outubro e principio de Novembro cálido, con temperaturas que superaron os 25ºC en gran parte de Galicia, mesmo chegando a 30ºC nalgunhas zonas, semella que o tempo vai dar un cambio esta fin de semana, coa chegada dunha masa de aire frío polar que fará descender bruscamente os termómetros ata valores case case Invernais, pasaremos do "veroño" ao Inverno en tan só 2 días!

UNHA BORRASCA DEIXARÁ CHUVIAS EN TODA ESPAÑA

Animación da imaxe de satélite infravermella das últimas 6 horas. Actualizado (9:00)

Tal e como viñamos seguindo en Twitter e Facebook, semella que se van confirmando esos cambios dos que falábamos para esta semana. E é que un potente anticiclón en latitudes altas (bloqueo Escandinavo), provoca que polo seu flanco sur se colen as borrascas. É o proceso inverso ó que normalmente se da, as baixas presións terían que circular por onde está o anticiclón, pero como se topan cunha rexión de altas presións moi robusta e fortalezida, a inestabilidade trasládase a puntos máis ó sur, como será este caso.

RADICAL CAMBIO DE TEMPO NAS PRÓXIMAS HORAS

Imaxe de satélite infravermella das 8:00 desta mañá.

Tras un Verán con moi pouca actividade no blog, xa que non houbo moito movemento meteorolóxico, parece que o Outono comeza a asomar a pata enviándonos un adianto bastante potente para vir de onde vimos. E é que pouco a pouco comeza a haber máis intercambios de masas de aire, con vaguadas cada vez máis profundas e frontes máis activas. Unha delas chegará esta noite e será moi activa con precipitacións que serán puntualmente fortes e que poden deixar acumulados bastante cuantiosos nalgunhas zonas.

MOITA CALOR OS VINDEIROS DÍAS

Temperatura a 850 hpa (1500 metros). Modelo GFS. Luns 18

En moitos puntos de Galicia, especialmente no suroeste da comunidade, xa vai facer un mes que non cae nin gota. É certo que aínda que de vez en cando estivo anubrado e se produciron algúns orballos que nin chegaron a mollar no litoral, a estabilidade foi a protagonista dende a 2ª quincena de Xuño e vaise prolongar durante moitos días, pero de cara o vindeiro Martes 19 as brétemas poden chegar, de novo, ao litoral Galego.

VINDEIROS DÍAS: CHUVIAS E TEMPO MÁIS FRESCO

Imaxe de satélite visible. 9:00 do Luns 13 de Xuño 2016

Estamos a mediados de Xuño e por agora a calor e o tempo Anticiclónico continúan sen instalarse na contorna da Península Ibérica, se ben é certo que, especialmente o Sur e Leste do País xa sufriron o primeiro embite de calor "serio" con temperaturas que chegaron a marcar 40ºC en puntos do interior de Andalucía.

COMEZA XUÑO, CÓMO SERÁ?

Comezamos Xuño, un mes que, meteorolóxicamente falando, xa se considera como de Verán, aínda que recordemos que o Verán astronómico non comezará ata o vindeiro día 21. Mes que xa se caracteriza polo afianzamento das altas presións sobre a nosa contorna, con ascensos máis pronunciados e frecuentes de masas de aire cálido dende o Norte de África, aínda sigue habendo a posibilidade de que chegue algunha borrasca, xa menos profunda, que deixe chuvias na franxa Atlántica e treboadas xeneralizadas en gran parte da Península, pero en xeral xa é un mes de Verán.