Imaxe de satélite infravermella das 8:00 desta mañá.
Tras un Verán con moi pouca actividade no blog, xa que non houbo moito movemento meteorolóxico, parece que o Outono comeza a asomar a pata enviándonos un adianto bastante potente para vir de onde vimos. E é que pouco a pouco comeza a haber máis intercambios de masas de aire, con vaguadas cada vez máis profundas e frontes máis activas. Unha delas chegará esta noite e será moi activa con precipitacións que serán puntualmente fortes e que poden deixar acumulados bastante cuantiosos nalgunhas zonas.
