SUCESIÓN DE FRONTES PARA COMEZAR 2016

Aínda que en gran parte da Península Ibérica este Decembro case non viron caer auga, o certo é que en Galicia, e especialmente na metade oeste dende fai varios días estamos vivindo o paso de varias frontes con temporais asociados que deixaron bastantes incidencias, como é o caso de onte día 30 cando se rexistraron máis de 200 incidencias ao longo da nosa comunidade, a gran maioría nas provincias Atlánticas, como é normal nestos episodios.

Tamén se marcaron rexistros importantes, tanto de auga, onde destacan os 60 mm de Fontecada (Coruña), como de vento, onde a alta Montaña de Ourense lévase a palma cun impresionante refacho de ¡166 km/h! rexistrado en Lardeira. Tamén destacar os 152 km/h medidos en Vimianzo (Coruña).

Nesta xornada de fin de ano estamos a vivir unha xornada típica post frontal, con ceos anubrados e chuvias que son máis intensas e frecuentes nas provincias Atlánticas, pero que non destacan nin pola súa intensidade nin por deixar bos acumulados, ademáis, a Noitevella será seca en boa parte da comunidade Galega, con bastantes nubes iso si, e con posibilidade dalgún chuvasco no extremo máis oeste da comunidade, en concreto do Suroeste da provincia de Coruña, teríamos as primeiras precipitacións do 2016.

FIN DE SEMANA CON AMBIENTE FRÍO E UNHA OLLADA A LONGO PRAZO

Imaxe infravermella con isobaras, tomada ás 9:00 de hoxe Venres

 

Como xa viña avanzando en Twitter e en Facebook, esta semana esta sendo Anticiclónica, pero con matices. Por unha banda, o fluxo de compoñente Norte está deixando temperaturas bastante á raia, xa máis propias da época do ano da que nos encontramos, aínda que as mínimas, por agora, non son moi baixas na meirade parte da comunidade Galega, xa que o ceo encóntrase con bastante nebulosidade.

UNHA MASA DE AIRE FRÍO CHEGARÁ Á PENÍNSULA ESTA FIN DE SEMANA

Practicamente dende comezos de Novembro estamos tendo, en gran parte do continente Europeo -incluída a Península Ibérica- temperaturas moi por riba do que vén sendo normal para esta época do ano, anomalías que veñen provocadas polo réxime de circulación de zonal alta que estamos a ter, con un Anticiclón ben asentado nas nosas latitudes, e circulación de borrascas por latitudes máis altas, o que vén sendo unha situación de NAO positiva, tal e como explicamos neste artículo fai dúas semanas.

TENDENCIA ESTABLE A MEDIO PRAZO

Situación prevista para o Martes 11 de Novembro

Mentras redacto este artículo, na rúa chove de xeito moderado e persistente. Esta é a tónica que estamos a ter en Galicia este Xoves, situación de ventos do Suroeste que proporcionan precipitacións moi abundantes á metade oeste da comunidade. Ata as 17:30 desta tarde acumuláronse  78,2 l/m2 en Cespón (A Coruña) e ata 73,6 l/m2 en Fornelos de Montes (Pontevedra), acumulados que non están nada mal, pero non é nada fora do normal en Galicia.

PONTE DE NOVEMBRO CON TEMPO VARIABLE

Imaxe de satélite meteosat sacada esta mesma tarde, cunha fronte achegándose a Galicia dende o Atlántico

Vimos xa de varios días nos que a situación atmosférica estivo marcada pola inestabilidade, con precipitacións abundantes durante as xornadas do Martes, Mércores e Xoves, cando se recolleron acumulados moi destacados de auga en menos de 24 horas en moitos puntos de Galicia, como é o caso de Santa Comba (A Coruña), onde onte Xoves se recolleron 86 l/m2, precipitacións moi abundantes que viñeron acompañadas dun rio de humidade subtropical, o que propiciou que se recolleran grandes cantidades de auga no oeste da comunidade, unha situación típica en Galicia, nada fora do normal.

PONTE DO PILAR PASADA POR AUGA EN GALICIA

Imaxe de satélite visible, 9:00 da mañá deste Venres.

Tras unha semana na que tivemos de todo, semana que comezamos cun intenso temporal de chuvia e vento que deixou refachos amplamente superiores aos 100 km/h en zonas do litoral e tamén na alta montaña, moito vento que veu acompañado con chuvias torrenciais durante a xornada do Luns, xa que as precipitacións deixaron moita auga en pouco tempo, como é o caso de Santiago de Compostela, onde en tan só nunha hora se recolleron 35 l/m2, o que ocasionou diversos problemas en forma de inundacións en pleno centro da cidade, ¡esa intensidade de chuvia era para emitir un aviso laranxa! Pero non foi así.

O OUTONO VOLVE ESTA FIN DE SEMANA

Tras varios días de situación plenamente Anticiclónica, con sol na maior parte de Galicia e mesmo con calor no sur da comunidade, temperaturas que superaron os 30ºC na conca do Miño, temos que volver a falar de chuvias a partir deste Domingo grazas a unha rexión de baixas presións que se instaurará no Atlántico e que inestabilizará moito o tempo na nosa comunidade.

EN PROCESO UN TREN DE FRONTES ATLÁNTICAS

Estamos a Venres 11 de Setembro, un mes no que, como xa comentamos no anterior post, o Outono comeza a mostrar a súa cara en forma das primeiras frontes de entidade da temporada. Aínda que esta semana está a ser bastante estable (a excepción do pasado Mércores, cando se produciron chuvias febles que acumularon moi pouca auga), o certo é que practicamente non choveu nada dende que comezou Setembro, e todo indica que o que non choveu ata agora podeo facer nos vindeiros 7 días.

COMO SERÁ SETEMBRO?

Imos comezar o mes no que o Verán vai indo a menos e o tempo variable, con grandes cambios en pouco tempo son os protagonistas, comeza a haber grandes contrastes de temperaturas que provocan situacións de inestabilidade atmosférica moi acusada, en especial no Mediterráneo, por  alí, semella que este mes vai ser moi movido en canto a tormentas, xa que o mar está moi quente tras un verán moi cálido por esa zona.

O Outono meteorolóxico comeza o 1 de Setembro, pero isto non significa que non poidan vir episodios de temperaturas altas con bastante calor, aínda que cada vez esta calor irase notando menos, días máis curtos, noites cada vez máis longas... Tamén é neste mes ou a principios de Outubro cando Galicia recibe o primeiro temporal serio da temporada, aínda que hai que recordar que o pasado Domingo tivemos a visita dunha borrasca que non estivo nada mal para a época e que deixou fortes ventos e acumulados de chuvia bastante destacados.

FIN DE SEMANA INESTABLE: CHUVIA E VENTO

Imaxe de satélite das 12:00 de hoxe Venres. Situación Anticiclónica.

Estos últimos días estamos a vivir unha situación Anticiclónica típica do que corresponde a estas datas de Agosto, con moito sol, e con calor que se nota especialmente no sur de Galicia, onde os valores sobrepasan ampliamente os 30ºC en moitos puntos, altas temperaturas que teñen especial incidencia, coma sempre, na Conca do Río Miño, sobretodo ao seu paso pola provincia de Ourense, onde os valores, onte Mércores, chegaron a marcar valores próximos aos 40ºC, como é o caso de Remuiño (Ourense), con 38,7ºC de temperatura máxima, ou a propia cidade de Ourense, con 38,4ºC. Valores térmicos altos, pero nada fora do normal nesta época do ano.

UNHA FRONTE VISITARÁ A COMUNIDADE NA VÉSPERA DO DÍA DE GALICIA

Esquema detallando o paso da fronte pola comunidade.

TEMPO DE VERÁN NOS VINDEIROS DÍAS

Situación prevista para o Luns a unha altitude de 1500 metros

Estamos comezando outro periodo anticiclónico, de feito, hoxe Domingo xa superamos os 30ºC en moitos puntos do interior da comunidade Galega, valores que irán en aumento nos próximos días, sobre todo polo sur, onde, para mañá Luns, xa temos un aviso amarelo por temperaturas máximas de ata 36ºC. Onde? Onde sempre, no Miño Ourensán!

FIN DE SEMANA CON ALGÚNS CAMBIOS

Imaxe de satélite visible

Ola. Estamos a comezar este Venres 3 de Xullo con moita nube alta, non ten moita importancia xa que non deixa chuvias, pero si que anuncia cambios que chegarán contra a tarde deste Venres. E é que como vedes na imaxe de satélite que encabeza este artículo, unha fronte fría que está no Atlántico disporase a entrar na nosa comunidade contra esta tarde, non deixará chuvias de importancia, pero mollará, que boa falta lle fai aos nosos campos

FIN DE SEMANA DE SOL E CALOR NO SUR. VISTAZO AO TEMPO DA SEMANA QUE VÉN.

Boas tardes.

Nesta tarde deste Venres 26 de Xullo estamos a ter unha xornada de bo tempo pero con temperaturas aínda bastante contidas no litoral Atlántico por mor do vento do oeste, o cal arrastra néboas e nubes baixas que manteñen a raia as temperaturas. Por contra, no interior da comunidade, en zonas como Ourense xa superan os 30ºC.

DETALLES DA SITUACIÓN METEOROLÓXICA NA PONTE DE MAIO

Situación prevista polo modelo GFS para o Sábado 2 de Maio.

Estamos ás portas de entrar en Maio, e a situación en Galicia non semella moi propia da época na que estamos. Xa hai uns días unha borrasca pasou moi preto da comunidade e deixou unha fin de semana moi inestable con chuvia abondosa e mesmo tamén algunha treboada durante a xornada do Domingo, Martes e Mércores tivemos días de tregua, de transición, días intermedios entre a borrasca da fin de semana e a situación inestable que estará con nós durante toda a ponte, xa de feito hoxe Xoves temos unha xornada chuviosa, sobre todo na metade oeste de Galicia.

FIN DE SEMANA INESTABLE EN GALICIA

Son as 19:45 desta tarde de Venres 24 de Abril, a estas horas, chove (non con moita intensidade, iso si) en boa parte de Galicia, precipitacións que, de momento, non están a deixar acumulados moi abondosos, de feito a cantidade máxima recollida ata agora na comunidade son os 9,9 l/m2 rexistrados en Mos (Pontevedra), chuvias que veñen provocadas pola borrasca que vedes na imaxe de sateĺite visible que encabeza este artículo, borrasca que se vai ir achegando e que deixará unha fin de semana pasada por auga en Galicia.

O TEMPO NA SEMANA SANTA EN GALICIA

Esta fin de semana estivo marcada polas nubes, que foron especialmente abundantes na metade oeste onde, de vez en cando, caen algunhas chuviscadas, pero moi pouca cousa en xeral. Como exemplo, a pasada madrugada unha fronte moi desfeita atravesou Galicia, e deixou, ao seu paso, acumulados moi discretos, sirven de exemplo os 5,1 l/m2 acumulados no Monte Xesteiras (Cuntis-Pontevedra), que foi a maior cantidade de precipitación acumulada na comunidade Galega. Nas provincias de Lugo e Ourense, con esta situación de ventos do Oeste, dominaron os claros e con bastante sol, sobre todo polas tardes.

FIN DE SEMANA PRIMAVERAL EN GALICIA

Tras varios días de chuvia dende o pasado Sábado, o Mércores volvimos a recuperar a influencia Anticiclónica en Galicia, pero non só a nosa comunidade se ve afectada polas altas presións, como vedes na imaxe visible de satélite, tomada esta tarde de Venres, o Suroeste de Europa está completamente limpo de nubes. 

PREVISIÓN PARA O ENTROIDO 2015 EN GALICIA

Imaxe infravermella con isobaras do Venres ás 18:00

Tras varios días con tempo anticiclónico, onte Xoves volvimos a estar influenciados polas baixas presións que, circulando por latitudes moito máis altas ca Galicia, aféctannos en forma de frontes que por agora non son moi activas en canto á cantidade de precipitación que están a deixar, un bo exemplo son os rexistros de precipitación máximos que deixou a fronte que afectou a Galicia hoxe Venres, destacando os 24,6 l/m2 en Muralla (Lousame-A Coruña), 21,9 l/m2 no Monte Xesteiras (Cuntis-Pontevedra) e 17,2 l/m2 en Pereira (Forcarei-Pontevedra). Como vedes, non son rexistros moi salientables.

PREVISIÓN METEOROLÓXICA. CABALGATAS E DÍA DE REIS EN GALICIA.

Imaxe de satélite infraroja + isobaras (mañá de hoxe Luns día 5 de Xaneiro)

Ola. Comezamos este 2015 sumidos nun gran anticiclón que nos leva acompañando varias semanas, e así parece que continuaremos durante, alo menos, 15 días. Pero, nestes 15 días haberá "paréntesis" nos que algunha cola dunha fronte asociada ás baixas presións que circulan por latitudes moito máis altas nos poderá afectar, deixando algunha chuvia, non moi importante, iso sí.