COMO SERÁ O NADAL?

Tendencia según o modelo CFS (Climate Forecast System) para finais de 2016 e comezo de 2017

Durante os últimos días vimos comentando na nosa páxina de Facebook e tamén en Twitter as posibles tendencias que os modelos mostraban para estas vindeiras festas, e ata fai unha semana, case todos estaban dacordo en que a zona mais beneficiada polas precipitacións neste Nadal ía a ser o noroeste da Península Ibérica, incluída Galicia, pero nas últimas xornadas o panorama mudou completamente e agora practicamente todos os modelos sinalan que o panorama vai ser de absoluta estabilidade durante todo o período, debido ás altas presións polas que estaremos influenciados.

NOVEMBRO 2016: LIXEIRAMENTE MAIS FRÍO E CHUVIAS NO NORMAL

Anomalías de temperatura e chuvia durante o mes de Novembro de 2016

Tras un Outubro que foi moi anómalo en Galicia, con precipitacións moi por debaixo do normal e con temperaturas cálidas, este mes de Novembro estivo mais ou menos dentro da normalidade con precipitacións mais repartidas e temperaturas xa propias da época do ano.

DÚAS FRONTES ATRAVESARÁN GALICIA ESTA SEMANA

Imaxe de satélite infravermella das 8:45h de hoxe Martes

Estamos tendo xornadas de Primavera na comunidade, mesmo tamén en moitos puntos da Península, xa que temos tempo seco e temperaturas moi elevadas para a época do ano, con valores que chegaron a superar os 22ºC en varios puntos de Galicia, como por exemplo en Vigo, Pontevedra, Tui.. etc. E con mínimas que non están sendo especialmente baixas, xa que tampouco temos moitas xeadas en zonas do interior de Lugo e Ourense.

FIN DE SEMANA CON MÁIS NUBES PERO CON MOI POUCA CHUVIA

Imaxe de satélite infravermella con isobaras. 15:00h do Venres 9 de Decembro

 Continuamos baixo a influencia das altas presións cun anticiclón centrado no Mediterráneo. Con esta configuración quedamos con réxime de vento do Sur/Surleste que eleva as temperaturas ata valores cálidos para a época do ano na que nos encontramos, con máximas por riba dos 20/22ºC en bastantes puntos de Galicia rexistradas en días atrás. Ademais, ese anticiclón bloquea as borrascas e provoca que se desvíen cara latitudes altas e, polo tanto, non nos chegan a afectar directamente e tan só temos paso de nubes altas, cal única función só é a de decorar o ceo.

DÚAS BORRASCAS AFECTARÁN A GALICIA ESTA FIN DE SEMANA

Imaxe de meteosat infravermella+presión en superficie. Mostrando a borrasca de mañá Sábado ao sur de Groelandia e que se irá achegando a Galicia .

Tal e como viñamos seguindo estos días na nosa conta de Twitter e en Facebook, confírmanse esos cambios para esta fin de semana. E é que dúas borrascas afectarán a Galicia, asociadas a unha vaguada, e que deixarán días típicos da época na que estamos, con xornadas de vento, chuvias, frío.. un pouco de todo, o que vai tocando en Novembro.

OUTUBRO REMATOU MOI SECO E CÁLIDO EN GALICIA

Outubro, normalmente, acostuma ser un mes nos que xa nos visitan os primeiros temporais de chuvia e vento serios do Outono, xunto con Setembro, pero este ano, agás varias frontes que deixaron bastante auga en pouco tempo, foi un mes, en xeral moi seco e cálido en Galicia.

UNHA MASA DE AIRE FRÍO POLAR CHEGARÁ A ESPAÑA ESTA FIN DE SEMANA

Tras un final de Outubro e principio de Novembro cálido, con temperaturas que superaron os 25ºC en gran parte de Galicia, mesmo chegando a 30ºC nalgunhas zonas, semella que o tempo vai dar un cambio esta fin de semana, coa chegada dunha masa de aire frío polar que fará descender bruscamente os termómetros ata valores case case Invernais, pasaremos do "veroño" ao Inverno en tan só 2 días!

TEMPO ESTABLE E CALOR OS PRÓXIMOS DÍAS

Tras uns días de inestabilidade, con chuvias xeneralizadas en toda a península e tempo fresco, nos que se rexistraron importantes cantidades de auga no oeste da comunidade Andaluza, superando, en moitos casos, os 60 l/m2 en moi pouco tempo, a partir de hoxe Martes iniciase unha importante subida das temperaturas que dará lugar a que os próximos días sintamos sensación de calor nas horas centráis do día.

UNHA BORRASCA DEIXARÁ CHUVIAS EN TODA ESPAÑA

Animación da imaxe de satélite infravermella das últimas 6 horas. Actualizado (9:00)

Tal e como viñamos seguindo en Twitter e Facebook, semella que se van confirmando esos cambios dos que falábamos para esta semana. E é que un potente anticiclón en latitudes altas (bloqueo Escandinavo), provoca que polo seu flanco sur se colen as borrascas. É o proceso inverso ó que normalmente se da, as baixas presións terían que circular por onde está o anticiclón, pero como se topan cunha rexión de altas presións moi robusta e fortalezida, a inestabilidade trasládase a puntos máis ó sur, como será este caso.

COMEZA OUTUBRO, COMO SERÁ?

Anomalías xeopotencial a 500 hpa (5500 metros de altura)

Comezamos o último trimestre do ano con tempo Anticiclónico, con temperaturas diurnas que son bastante agradables pero xa pola noite comeza a facer frío debido á redución das horas de sol. Vimos dun Setembro bastante variable, con chuvascos e treboadas a mediados de mes, pero con temperaturas tamén altas a finais. A primeira semana de Outubro semella que será moi tranquila, con temperaturas que superarán os 25ºC a mediados de semana. Aínda así de cara o Pilar, pode haber cambios, irémolo vendo.

RADICAL CAMBIO DE TEMPO NAS PRÓXIMAS HORAS

Imaxe de satélite infravermella das 8:00 desta mañá.

Tras un Verán con moi pouca actividade no blog, xa que non houbo moito movemento meteorolóxico, parece que o Outono comeza a asomar a pata enviándonos un adianto bastante potente para vir de onde vimos. E é que pouco a pouco comeza a haber máis intercambios de masas de aire, con vaguadas cada vez máis profundas e frontes máis activas. Unha delas chegará esta noite e será moi activa con precipitacións que serán puntualmente fortes e que poden deixar acumulados bastante cuantiosos nalgunhas zonas.

MOITA CALOR OS VINDEIROS DÍAS

Temperatura a 850 hpa (1500 metros). Modelo GFS. Luns 18

En moitos puntos de Galicia, especialmente no suroeste da comunidade, xa vai facer un mes que non cae nin gota. É certo que aínda que de vez en cando estivo anubrado e se produciron algúns orballos que nin chegaron a mollar no litoral, a estabilidade foi a protagonista dende a 2ª quincena de Xuño e vaise prolongar durante moitos días, pero de cara o vindeiro Martes 19 as brétemas poden chegar, de novo, ao litoral Galego.

VINDEIROS DÍAS: CHUVIAS E TEMPO MÁIS FRESCO

Imaxe de satélite visible. 9:00 do Luns 13 de Xuño 2016

Estamos a mediados de Xuño e por agora a calor e o tempo Anticiclónico continúan sen instalarse na contorna da Península Ibérica, se ben é certo que, especialmente o Sur e Leste do País xa sufriron o primeiro embite de calor "serio" con temperaturas que chegaron a marcar 40ºC en puntos do interior de Andalucía.

COMEZA XUÑO, CÓMO SERÁ?

Comezamos Xuño, un mes que, meteorolóxicamente falando, xa se considera como de Verán, aínda que recordemos que o Verán astronómico non comezará ata o vindeiro día 21. Mes que xa se caracteriza polo afianzamento das altas presións sobre a nosa contorna, con ascensos máis pronunciados e frecuentes de masas de aire cálido dende o Norte de África, aínda sigue habendo a posibilidade de que chegue algunha borrasca, xa menos profunda, que deixe chuvias na franxa Atlántica e treboadas xeneralizadas en gran parte da Península, pero en xeral xa é un mes de Verán.

MAIO COMEZA CON ASCENSO DAS TEMPERATURAS

Rematamos Abril con estabilidade atmosférica, poucas nubes e con vento do norte bastante intenso, o que fixo que as temperaturas fosen bastante frescas, sensación de fresco que se viu acentuada polos refachos intensos do Norte que sopraron durante a xornada de onte Sábado.

UNHA BORRASCA DEIXARÁ CHUVIAS INTENSAS A PARTIR DO DOMINGO

Como xa viñamos seguindo en Facebook e en Twitter, Abril iba comezar con inestabilidade atmosférica na nosa comunidade e tamén na Península, e así está sendo. Tras uns días sen chuvias en Galicia, a partir de mañá Domingo estaremos influenciados por unha gran zona de baixas presións que se situará entre as Illas Británicas e o noroeste da Península Ibérica, e quedará estancada nesa zona durante varios días, mandando diversas frontes que deixarán chuvias intensas, vento, treboadas, sarabiadas..

COMEZO DA SEMANA SANTA INESTABLE

Tal e como vimos avanzando na nosa páxina de Facebook e Twitter durante toda esta semana, agora mesmo temos un Anticiclón en latitudes altas, un lugar que non é moi habitual para as altas presións e, polo tanto, o oco que deixan as altas presións ocúpanas as baixas presións polo seu flanco sur, afectando á Península e deixando un tempo máis fresco e inestable.

TEMOS POR DIANTE UNHA FIN DE SEMANA DE SOL

Xornadas frías as que estamos tendo, pero con precipitacións que máis ben son escasas, en forma de chuvasco e que foron máis probables na metade norte de Galicia. Pouco a pouco as altas presións vanse ir movendo pola nosa contorna, influenciándonos e deixando tempo estable, seco e con ascenso das temperaturas máximas, aínda que as noites van seguir sendo frías.

¿CÓMO SERÁ MARZO?

Rematamos un Febreiro que se caracterizou por ter un pouco de todo en canto ao tempo en Galicia. A mediados de mes estivemos afectados polas baixas presións que deixaron un temporal de chuvias moi intenso con acumulados destacables en gran parte da comunidade, incluso superándose algún día puntual os 160 mm en bastantes puntos, o que deu lugar a que moitos ríos non puideran máis e se desbordasen, causando bastantes problemas.

CHEGA A ESPAÑA UNHA MASA AIRE FRÍO POLAR MARÍTIMO

Como xa vimos seguindo na nosa páxina de Facebook e tamén en Twitter durante toda esta semana, o ascenso do Anticiclón das Azores a latitudes algo máis altas (non moi pronunciado) favorecería que no entorno da Península Ibérica se instalara un réxime de baixas presións debido a unha borrasca polar que descendería pola cara leste do Anticiclón. Esta borrasca Polar será a encargada de inestabilizar e moito o tempo nas vindeiras horas.

FIN DE SEMANA ESTABLE CON ASCENSO DAS TEMPERATURAS

Tras varias xornadas na que o ambiente foi puramente Invernal, con neve en cotas relativamente baixas (500 mts), sarabiadas, treboadas, e xeadas que, a pasada madrugada, afectaron a gran parte de Galicia, temos por diante unha fin de semana que será todo o contrario, o Anticiclón estará moi preto e estaremos baixo a súa zona de influencia.

UNHA MASA DE AIRE FRÍO POLAR AFECTARÁ A ESPAÑA NOS VINDEIROS DÍAS

Estamos a 13 de Febreiro, en plena estación Invernal, pero o frío característico desta época aínda non deu sinais de vida. E é que este Inverno estase caracterizando por ter temperaturas máis altas do normal, xa que non tivemos ningún episodio de frío destacable, agás os descensos de temperatura típicos despois do paso dunha fronte, pero nada importante que resaltar.

ENTROIDO PASADO POR AUGA EN GALICIA

Imaxe de satélite visible. 12:00 do Venres

 

A poucas horas de dar o pistoletazo de saída ás festas do Entroido en Galicia, as previsións meteorolóxicas non son moi boas para disfrutar ao aire libre. Aínda que hoxe Venres estamos a ter un día Primaveral, tal e como se ve na imaxe, con ceos prácticamente despexados, aínda que con algunhas nubes altas indicadoras do cambio de tempo que está a piques de acontecer.

FIN DE SEMANA CON ALGO DE TODO. ANTICICLÓN A MEDIO E LONGO PRAZO

Tal e como anunciamos no último post, 2016 entrou con moita forza no ámbito metorolóxico. Diversas borrascas nos afectaron e deixaron fortes chuvias, ventos moi fortes, e nevaradas na alta montaña. Precipitacións e fortes ventos que deixaron moitas incidencias ao longo da nosa comunidade, especialmente no oeste de Galicia, onde as chuvias se deixaron notar, producíndonse enchentes dos ríos e anegando moitas zonas próximas a eles.

E é que en tan só 10 días deste mes, xa se superaron as medias de precipitación normal en Xaneiro en moitas zonas. Nos primeiros 10 días caíron no Monte Xesteiras (Cuntis-Pontevedra) nada máis e nada menos que ¡580 l/m2!, seguido de Pereira (Forcarei-Pontevedra), con 540 l/m2. Datos que non están nada mal e que, de chover máis decentemente no que resta de mes, estos rexistros poden ser aínda máis destacados, de feito o monte Xesteiras, cando estamos a 15 de Xaneiro, xa supera os 650 l/m2!! Impresionante...